Mpsc Guru

Focus on commitment, not motivation.

Thursday, December 19, 2019

MPSC च्या तयारीला सुरुवात कशी कराल ? How to start preparing for mpsc

         मित्रांनो आज महाराष्ट्रात लाखो मुले स्पर्धा परीक्षांचा अभ्यास करण्यासाठी पुढे येत असून त्यातील बहुतेक विध्यार्थ्यांचा सुरुवातीला एक प्रश्न हमखास ऐकायला मिळतो की परीक्षेच्या तयारीची सुरुवात कशापासून करू? या प्रश्नाचं उत्तर आज आपण या लेखातून देण्याचा प्रयत्न मी करणार आहे .आणि स्पर्धा परीक्षांच्या तुमच्या प्रयत्नांना लवकर कसे यश मिळेल यासाठी काही tips शेअर करणार आहे.
How to start preparing for mpsc

 MPSC च्या तयारीला सुरुवात

1) परीक्षेची निवड - 

सर्वप्रथम तुम्ही MPSC का करत आहात आणि तुम्हाला कोणती पोस्ट मिळवायची आहे हे ठरवा कारण Mpsc उपजिल्हाधिकारी पदापासून लिपिक पदापर्यंत विविध परीक्षा घेत असते. प्रत्येक परीक्षेला वेगळा अभ्यासक्रम व परीक्षा पद्धती असते एकदा तुम्ही एक टार्गेट ठरवले त्यासाठी एक ठराविक strategy ने वाटचाल करता येते. आणि गोंधळ कमी होतो बरेच मुले तलाठी पासून UPSC पर्यंत सर्व परीक्षा देतात. काही मुले 4 महिने राज्यसेवेचा अभ्यास 4 महिने psi/sti/aso आणि 4 महिने क्लास 3 चा अभ्यास करतात. अस नाही की इतर परीक्षा देऊ नये पण त्या देताना तुम्ही कोणत्यातरी एका परीक्षेला फोकस करूनच वेळेचं नियोजन केले तर ते नक्कीच फायद्याचे ठरते.

2) अभ्यासक्रम- 

सर्वप्रथम तुम्हाला ज्या परीक्षेची तयारी करायची आहे तिचा अभ्यासक्रम download करा आणि त्याची हार्ड कॉपी करून ठेवा.
3) मागील वर्षाच्या प्रश्नपत्रिका- 
तुम्ही तयारी करण्यासाठी निवडलेल्या परीक्षेची तयारी करण्यासाठी सुरुवातीला त्या परीक्षेच्या मागील 3- 4 वर्षाच्या आयोगाच्या प्रश्नपत्रिका एक- दोनदा वाचून काढा व प्रश्नांचं स्वरूप समजून घ्या. त्यामुळे तुम्हाला परिक्षेसंबंधित बेसिक बाबी लक्षात येतील आणि तुम्हाला काय अभ्यास करायचा आहे हे लक्षात येईल.
4) योग्य अभ्यास साहित्य निवड - 
आज बाजारात Mpsc च्या प्रत्येक विषयावर अनेक पुस्तके उपलब्ध आहे पण पुस्तके निवडताने योग्य आणि दर्जेदार असेच पुस्तके विकत घ्या यासाठी mpsc करत असलेल्या अनुभवी विद्यार्थ्यांचा सल्ला घ्या किंवा येथे आम्ही mpsc साठी उत्कृष्ट पुस्तकांची यादी दिली आहे ती सुद्धा बघुन घ्या.

5) अभ्यास- 

सुरुवातीला सर्व पुस्तके 1-2 वेळा शांतपणे समजून घेऊन  वाचून काढा. महत्त्वाचे आणि कठीण मुद्दे रेखांकित करून ठेवा. वेळेनुसार अभ्यासाचे टाइम -टेबल बनवा आणि त्याचे पालन करा.

6) नोट्स - 

संपूर्ण अभ्यासक्रमाला 2-3  revision झाल्यानंतर नोट्स काढण्याची सुरुवात करा . नोट्समध्ये महत्वाचा मजकूर कमीत कमी शब्दात मांडलेला असावा. नोट्सला आणि पुस्तकांना वेळोवेळी revision देत राहा.

7) test series - 

एकदा संपुर्ण अभ्यासक्रम चांगल्या पद्धतीने अभ्यासल्यानंतर test सिरीज घेऊन सोडविण्याचा प्रयत्न करा. सोडविल्यानंतर गुणांचा विचार करू नका फक्त आपले काय चुकते त्याचे analysis करा आणि त्या मुद्यांवर जास्त फोकस करा.

8) मानसिक आणि शारीरिक तयारी- 

अभ्यास करताना विचार सकारात्मक ठेवा. सकाळी थोडाफार व्यायाम केल्याने खूप फायदा होतो तसेच पुरेसा आराम आणि झोप घ्या. 
          वरील सर्व टिप्सचा विचार करून अभ्यास केला तर तुम्हाला नक्कीच यश मिळेल. तुम्हाला वरील लेख कसा वाटला आणि तुमचे काही प्रश्न असतील तर खाली कमेंट करून नक्की विचारा  धन्यवाद...

No comments:

Post a Comment